Tag-Archive for » Drama «

31
des
2010

Action, komedie, parodi? – 2010

Regi: Robert Rodriguez.

Jeahh, dette er ein verkeleg brutal, valdsorgie av ein film, og den fortener i høgste grad 18 års grensa si. Eg kunne nok ha skrive plottet her, men det har faktisk ingenting å sei for sjølve filmen. Her er det absurde valdsituasjonar /scener og sex som gjeld. Filmen er medviten filma som ein dårleg western/detektivserie frå 70 talet, historia er elendig og skodespelarprestasjonane likeså. Og i god gamal detektivseriestil så kaster jentene seg over helten vår, og uansett kor hektisk det vert, så har han alltid tid for litt sex. Dårlege onelines gjer filmen endå meir morosam.

Eg kan ikkje noko for det, men eg likte filmen, eg. Og den passa særleg godt på ein nattevakt, når man er passe trøytt og ler ut av alt. Eg trur ikkje eg ville ha synast den var like god om eg skulle ha sett den åleine heime.

Category: action, Komedie  Tags: , , , , ,  Comments off

2010 – Drama, komedie, romantikk

Regissør: Michael Patrick King.

Plot: Det er gått to år sidan vi sist har sett jentene. Og alle fire slit no med kvardagslivet. Som eit avbrekk, så vert dei med Samantha på eit pr. oppdrag til Abu Dhabi, og vips så finn dei løysinga på alle problema sine.

Vi får oppleve overdrevne kulturkollisjonar, og vi får raske gjennomganger av ulike tema som t.d. kvinneundertrykking, overgangsalder, homsebryllup, ekteskap, å vere frivillig barnlaus, gjestearbeidarar, kor vanskeleg det er å vere forelder osb.

Kulissene er fantastiske, og kjolene likeså.

Men likevel… Gjesp… dette var ein dørgande keisam film. Det verkar som om filmskaparane prøver å skvise  siste rest ut av det som ein gong var Sex and the City. Men eg veit ikke, eg synast dei har rota seg alt for langt vekk frå konseptet i serien, for mykje er forandra. Nerven er borte. I tillegg prøver dei å gape over alt for mange tema, og det ikkje noko elegant utført.

Filmen er jo eit must for dei som likar og har følgt med på serien Sex and the City. Men eigentleg, her er det berre namnet, outfiten og karakterane igjen. Innhaldet er borte, og filmen har ingenting med serien å gjere.

Category: Drama, Komedie  Tags: , , , ,  Comments off

2001 – Thriller, drama, mystery

Regissør: David Lynch

Plot: aner ikkje.

Handling: Filmen opner med ein bilulykke i Mulholland Drive. Ei kvinne (Rita/Camille) går i frå staden og tek seg inn i ein tom leil. Samstundes så kjem uskyldige, vakre og talentfulle Betty til by`n og skal prøve seg som skodespelar. Ho har lånt leil. av tanta si, den same leil. som Rita har teke seg inn i. Rita har mista hukommelsen, og saman prøver dei å nøste opp i kven Rita er, og kva som har skjedd. På vegen støter vi på ei tredje jente, ei jente som ikkje er så vellykka som Betty.

Tja, kva kan eg sei. Eg har sett filmen ein gong før, for lenge sidan. Då syntast eg ikkje at den var noko. No når eg såg den for andre gong, såg eg den på andre premissar, eg visste at løysinga ikkje kom av seg sjølv på slutten. Og no opplevde eg den som mykje betre. Men eg tør ikkje påstå at eg forstod filmen.

Elles har eg surfa nettet og funnet eit par forklaringar på filmen, utan at nokon er bekrefta av Lynch sjølv. Men Lynch har lagt ut 10 leietrådar for å forstå filmen. Så kanskje eg vil sjå den ein gong til, i lys av desse forklaringane og leietrådane?

Filmen er bygd opp som eit puslespel, og ein skjønar på slutten at den ikkje er kronologisk lagt opp. Filmen tar seg og god tid, og formidlar mange stemningar. Eg trur dette er filmen sin styrke. Samstundes så ønsker ein seg vidare, for å få svar på dei mange mysteria som dukkar opp under veis.

Eg greier ikkje heilt å bestemme meg for om eg likar den eller ikkje. Men eg trur faktisk at eg vil sjå den endå ein gong, kanske eg då får den til å passe inn i nokre av dei forklaringane som er presentert på nettet?

Så filmen er kanskje ikkje så god første gong, men er du nysgjerrig, så er det nok ein film du vil sjå fleire gongar.

Eg har sett litt rundt på nettet, filmen får for det meste terningkast 5 og 6. Men eg lar førebels stjernekastet stå open.

Category: Drama, Thriller  Tags: , , , ,  Comments off
02
nov
2010

Sci-fi/Drama – 2009

Regissør: Vincenzo Natali

Plot: I jakten på eit protein som kan kurere mange sjukdommar har eit ungt forskarpar, (spela av Adrien Brody og Sarah Polley)  dyrka fram nokre skjønne?? skapningar, Ginger og Fred. Men denne suksessen er ikkje nok. I løyndom frå både arbeidsgjevar og alle andre, så spleisar dei DNA frå menneske og dyr, og vips så har dei skapt eit vesen som kan minne om eit menneske, men som og har meir urovekkande eigenskapar. Vesenet, spela av Delphine Chanéac, utviklar seg rask, og snart vert det etisk uforsvarleg å avlive det. Det får namnet Dren. Eksperimentet kjem ut av kontroll, for Dren er ikkje den lettaste korkje å skjule eller kontrollere. Forskarparet befinner seg plutseleg i ein foreldrerolle, og slit litt med oppsedinga av vesenet. I tillegg så går det ikkje så bra for  Ginger og Fred. Vil det same skje med Dren?

Eg er ikkje noko fan av korkje sci-fi eller drama, men denne filmen likte eg.Plottet kan høyras litt tvilsamt ut, men det funka faktisk. Eg hadde forventa meg ein grøssar, men i staden vart det ein dramafilm som heller la vekt på dei etiske problemstillingane ved å dyrke fram kunstig liv. Og litt familiedrama slepp vi heller ikkje unna. Samstundes gjorde sci-fi delen til at filmen ikkje vart keisam. Vesenet utvikla seg i eit forrykande tempo frå baby, til barn, til tenåring og til vaksen, noko som var med på å drive filmen framover. Skodespelarane fenga, og spesialeffektane kom seg utover filmen. Den vart truverdig. Filmen var litt for forutsigbar på slutten, og det kunne ha vore artig med ein litt meir orginal slutt, men bortsett frå det så var den jamt over bra.

Ein film som absolutt er verdt å få med seg.

Category: Drama, Sci-fi  Tags: , , ,  Comments off
13
jun
2010

Drama – 2009

Plot:

En katastrofe av ukjent art har drept nesten at liv på jordkloden. Det finnes ikke noe mat lenger – ingen dyr å spise, ikke noe korn som gror. De siste trærne, de som har klamret seg til marken lengst, er i ferd med å falle.

Menneskene som overlevde har tatt selvmord eller sluttet seg til kannibalbander. Her og der finnes det fremdeles spredte gode mennesker, som prøver å overleve etter fattig evne. Så som en far (Mortensen) og hans sønn (Smit-McPhee), i ferd med å krysse det som er igjen av USA på vei sørover for vinteren.

Filmen bygger på Cormac McCarthy sin Pulitzer-prisvinnende bok fra 2006. Den handlar om korleis mennesket reagerar når framtidsutsiktar og overlevingsmoglegheitar er tatt bort. Kor viktig håpet vert for å kunne overleve. Den handlar og om korleis forfattaren meinar at menneske kjem til å behandlar kvarandre, når det er knappheit på ressursar.

Vi følger ein far og hans son på veg sørover, i håp om å overleve vinteren. Vi får sjå eit far/son forhold, der faren vil gjere alt for at sonen skal overleve. Samstundes får vi og eit tilbakeblikk på korleis det var for familien i byrjinga av “naturkatastrofen”, og korleis det utvikla seg.

Vi opplever korleis faren er blitt kynisk og skeptisk til alle dei møter på vegen, han er lite villig til å hjelpe andre, og han dreper der han finn det nødvendig. Imens så har sonen meir tru på mennesket, meir tru på samarbeid, på det å vere god.

Filmen er nok god, for dei som er interessert i temaet. Den kan nok gripe ein del menneske. Men som underhaldning så var den langdryg og keisam.

Category: Drama  Tags: , ,  Comments off
25
mar
2010

Drama – 2007

Regi: Mennan Yapo

Eg veit ikkje ein gong om filmen fortener omtale, den var dørgande keisam. Men, men plottet var slik:

Den ene dagen våkner Linda (Sandra Bullock) opp til det perfekte liv. En mann som elsker henne, to vakre barn og et flott hus hvor familien bor trygt i. Den neste dagen våkner hun opp, kun for å finne ut at mannen ble drept i en bilulykke. Dagen derpå er deriomt veldig forvirrende.. Mannen, Jim (Julian McMahon), er brått i live og Linda tror hun har hatt en veldig fæl drøm.. Når hun så våkner neste dag er det brått begravelsen til Jim og Linda begynner å skjønne at hun kan “se” inn i fremtiden, men hva skal hun gjøre med denne evnen? Er det riktig å bryte skjebnens løp?

Filmen var rotete, hovudkarakteren var irriterande ulogisk, slutten var elendig og resultatet var at filmen berre vart dårleg. Kort oppsummert: Dumme, dumme filmen.

0 stjerner på denne.

Category: Drama  Tags: , ,  Comments off
18
jan
2010

Norsk drama/thriller – 2009

Regi: Arild Østin Ommundsen

Dette er eit klassisk plot der Jonny byrjar som seljar i eit firma, sel sjela si, så går det litt fram og tilbake, og vi lurar på om han tek sjela si tilbake (blir “god” igjen).

Filmen byrjar med at Jonny må gjere eit heller tvilsamt sal for å bevise at han høyrer til i firmaet til Sagen. Vidare må han vise at han gjer absolutt alt for å bli i jobben, noko han og gjer. Men han vert likevel dolka i ryggen av sjefen, Sagen. Samstundes får han vite at broren og Sagen er bitre uvener. Broren har jobba for Sagen tidlegare, og det viste seg at grunna dårleg arbeidsmiljø/luft, så er broren alvorleg sjuk. Dei tidlegare kollegaene hans er enten døde eller døyande. Jonny hjelper broren med å finne dokumentasjon på at Sagen visste at han dreiv ulovleg, at han visste dei tilsette pusta inn farlege gassar. Men gjer Jonny verkeleg dette for broren, eller har han eit anna motiv?

Det var litt irriterande og rotete filming til tider, med flashback som eg ikkje heilt skjønte grunnen til. Kanskje var det for å vise korleis Jonny sleit med kva han skulle velje? Det var og eit par lydspor som var lagt feil i forhold til filminga, kanskje med eit eller anna formål, utan at eg forstod noko av det.

Miljøet som filmen er lagt til verkar for meg svært kunstig og lite realistisk. Men no jobbar eg og dei fleste eg kjenner i såkalla lågtlønsyrke, så kva veit no eg.

Ellers så bygger filmen opp til noko heile vegen, for så å avbryte. Den når liksom aldri heilt opp til kva den lovar.  Men den har eit par flotte naturbilete.

Det er ikkje den verste filmen eg har sett. Den kan kanskje vere spanande i og med at den bygger opp til noko heile tida. Og den var kanskje betre enn den forrige filmen eg såg, “The Men Who Stare at Goats”.

Men……, nei, eg trur ikkje eg anbefalar denne filmen vidare. Men eg får vel nemne at eg i utgongspunktet ikkje er så glad i dramafilmer :roll:

Category: Drama, Thriller  Tags: , ,  Comments off