Thriller, drama, fantasy, og litt komedie – 2006
Regi: Tom Tykwer
Filmen handlar om mannen med verdas beste luktesans som vert seriemordar i jakten på den perfekte duft. Den er basert på Patrick Süskinds romansuksess fra 1985.
Ein litt annleis film enn kva eg plar sjå på. Filmen brukar sterke visuelle verkemidlar for å få fram det stinkande Paris. Kostymene og kulissane er det ingenting å sei på. Og eg må sei eg likte stemninga i filmen, den var verkeleg sær. Historia har sine lyspunkt, og den er fortalt i ein lett humoristisk stil.
Elles kan eg ikkje sei at filmen fenga meg noko særleg. Den vart litt for “flyktig”, (nesten som ein parfyme?), og rotete fortellermessig. Vi får inga kjensle for karakterane, og i ein film på nesten to og ein halv time så burde det ha vore ein lett match.
No er eg ikkje så veldig glad i drama, og denne filmen er nok først og fremst ein dramafilm. Sjølv om den kom seg etter ei stund, så satt eg å kjeda meg i store delar av filmen. Så den får ikkje meir enn ein toar av meg. Men for folk som likar dramafilmer, så trur eg nok at denne filmen vil fenge. Særeigen er den uansett.
.
