miniserie – politisk thriller – 2006.

Omtale henta frå coveret:

I Florida venter en britisk soldat på å bli henrettet. I Virginia blir liket av en ung mann funnet, skutt i ansiktet på nært hold. Tre hendelser som alle viser seg å høre sammen – med spor som leder dypt inne i maktens korridorer. Sannheten om konspirasjonen kan styrte Det hvite hus.

Serien har fått gode omtalar, og det verkar som dei fleste har likt den.

Eg derimot, er litt lunken. Eg likte plottet, serien var godt utført frå byrjing til slutt. Og den kjentes aktuell, bl.a. med muslimfrykt, og kapital /økonomiske interesser i “trøblete” statar. Det var ingenting å sei på skodespelarane, og historia var truverdig.

Men, som underhaldning så vart det alt for langdrygt og keisamt. Eg sleit og med å få med meg alle karakterane og intrigane som vart presentert i byrjinga av serien, men dette kom seg heldigvis etterkvart. Dette er heller ikkje ein serie som ein kan sjå halvveis på, ein må verkeleg følge med for å forstå plotta.

Så kva vart dommen? Eg trur det går mykje på smak og behag. Serien var godt laga, ikkje tvil om det. Men eg er ikkje så interessert i filmer om storpolitikk, der ein stor del av underhaldninga ligg i diplomatiske taktikkar og finesser. Difor vart den i periodar keisam for meg.

Likevel, det er ein serie eg er glad for å ha fått med meg.

★★★★★★

Thriller – 2009

Eg trur eg hadde likt filmen svært godt, dersom eg ikkje hadde lest boka først. No vart den heller litt keisam, sidan filmen fulgte boka ganske tett. Eg vart  rett og slett litt skuffa.

Men når det er sagt, så veit eg ikkje heilt kva eg skal klage på heller. Skodespelarane gjorde jobben sin, plottet er bra, det skjer noko heile tida så det burde ha vore underhaldande. Men som sagt, når ein har lest boka, så fell mykje av spaningsmomenta vekk.

Eg vil likevel anbefale  filmen til folk som ikkje har lest bøkene. Historia og karakterane er knallgode.

★★★★★★

(★★★★★★ = underhaldningsverdi dersom ein har lest bøkene).

Dansk Thriller – 2009

Spanande thriller om Thomas Deleuran som mister systra si i ei drukningsulykke. Det kjem fram at dødsfallet har å gjere med Thomas sin avdøde far. Thomas byrjar å forske i systra sitt liv, og grufulle detaljar dukkar opp. Snart må Thomas kjempe både for sitt eige og familiens liv.

Dersom ein klarar å sjå forbi eit par heilt klare logiske bristar, er dette ein god og vellaga thriller. Den held spaninga frå byrjing til slutt. Anbefalast!